نۇر-سۇلتانداعى ۇلتتىق اكادەميالىق كىتاپحانادا "OrdaGen" الەۋمەتتىك-تانىمدىق جوباسىنىڭ "Orda ەرتەگىلەرى" كىتابىنىڭ تۇساۋكەسەرى ءوتتى.
OrdaGen جوباسى ۇلتتىق جانە ادامزاتقا ورتاق بيىك قۇندىلىقتاردى جاڭا تەحنولوگيالار فورماتىنا يكەمدەپ، اڭىزدار مەن ەرتەگىلەر ارقىلى بولاشاق ۇرپاق ساناسىنا ءسىڭىرۋدى كوزدەيدى.
بۇگىنگە دەيىن جوبا اياسىندا 1000-عا جۋىق زاماناۋي ەرتەگى جازىلىپ، ءار ەرتەگىنىڭ اۋديونۇسقاسى دايىندالعان. ءۇش ءتۇرلى تاقىرىپتا قىسقامەترلى مۋلتفيلم ءتۇسىرىلىپ، "OrdaGen" ءموبيلدى قوسىمشاسى پايدالانۋعا بەرىلگەن.
– ءبىز مۇنىمەن توقتامايمىز. الداعى ۋاقىتتا بۇلدىرشىندەرىمىزگە OrdaGenء-نىڭ تانىمدى دۇنيەلەرىن ۇسىنىپ، ۇلت ءۇشىن قىزمەت ەتە بەرەمىز. OrdaGen – 30-عا اياق باسقان ازاماتتاردىڭ تاۋەلسىزدىكتىڭ 30 جىلدىعىنا ارناعان سىي̆لىعى، – دەيدى OrdaGen جوباسىنىڭ ديرەكتورى پاراسات تانەن.
جاڭا وقۋ جىلىنىڭ قارساڭىندا "OrdaGen" كومپانياسىنىڭ قولداۋىمەن ELTANU ەكسپەديسياسى باستالعان. ەكسپەديسيا اياسىندا قازاقستاننىڭ ءار ءوڭىرىن، شالعايداعى اۋىل-ايماقتاردى ارالاپ، كىتاپسۇيەر بالالارعا سىي ۇلەستىرىلگەن. بالا بولاشاعىنا ازىق بولار تانىمدىق، رۋحاني قولداۋ مەن تۇلعالىق دامۋ ترەنينگتەرى وتكىزىلگەن.
"ساپارعا OrdaGen جوباسىنىڭ دا قوسقان ۇلەسى زور. ەكسپەديسيا قۇرامىنداعى جىگىتتەر ءار وڭىردەگى تالانتتى ۇل-قىزدارعا وrdaGenء-نىڭ ەرتەگى كىتاپتارى مەن Daryn Online رەسپۋبليكالىق ءبىلىم بەرۋ پلاتفورماسىنىڭ دايىندىق كۋرستارىن سىيعا تارتقان" دەلىنگەن جوبا تاراپىنان تاراتىلعان اقپاراتتىق حابارلامادا
– ەل پرەزيدەنتى قاسىم جومارت توقايەۆتىڭ 2021 جىلدى "بالالار ادەبيەتى" جىلى دەپ جاريالاۋى بالا تاربيەسىنە اسا زور كوڭىل ءبولۋىمىز كەرەك ەكەنىن كورسەتۋدە. پرەزيدەنت جارلىعىن نەگىزگە الا وتىرىپ، Bugin Holding قولداۋىمەن Orda Joly ءبىلىم ەكسپەديسياسى قازاقستاننىڭ ءار ءوڭىرىن ارالاپ، كوزىندە وتى بار ورەندەرگە OrdaGen جوباسىنىڭ العاشقى ەرتەگى كىتاپتارىن ۇلەستىردى، – دەدى Ordagen جوباسىنىڭ نەگىزىن قالاۋشى ايبەك قۋاتباي.
كىتاپ تۇساۋكەسەرىنە ءماجىلىس دەپۋتاتى دارحان مىڭباي، Balapan تەلەارناسىنىڭ ديرەكتورى قىمبات دوسجان، اقپارات جانە قوعامدىق دامۋ ءمينيسترىنىڭ كەڭەسشىسى ماكسيم روجين، پەداگوگيكا عىلىمدارىنىڭ كانديداتى، دوسەنت بيجان يگەنبايەۆا، Jas Otan جق ءتوراعاسى نۇرجان جەتپىسباي، Jaidarman جقب پرەزيدەنتى ەسەن ەلەۋكەن، قوعامدىق كوممۋنيكاسيالاردى دامىتۋ باسقارماسىنىڭ باسشىسى سۆانبايەۆا اقمارال، بلوگەر وركەن كەنجەبەك، BTS Education نەگىزىن قالاۋشى ساياسات نۇربەك، جۋرناليست اسحات سادىرباي، «OrdaGen» جوباسىنىڭ نەگىزىن قالاۋشى، يدەيا اۆتورى ايبەك قۋاتباي، جوبا ديرەكتورى پاراسات تانەن، Bugin Holding جوبالارىنىڭ باس كەڭەسشىسى سادىق شەرىمبەك قاتىسقان.
